Wöechkes, Fernsehtorel on Parlament

Noch net fönf Stond brugg die Bundesbahn von Kreweld bis en de neue Bahnhoff in Berlin. Dä appe Sturmdräjer wor wier an de alde Stell on mer köss denke, dat dä neue Bahnhoff wie dä Orion-Weltraumbahnhoff wor. Enne Bus wadde all op die 47 Kreweldsche vam Verein för Heimatkunde. Dä Bäreleier saiit, dat mer nau te-eesch en Stadtrundfahrt maake deng: Friedrich-, Wilhelm-, Kurfürstenstrasse, Kudam möt Gucci on Co., Potsdamer- on AlexanderPlatz, Rejierungs- on Diplomatenviertel on on on. Os heng all dä Maag op de Schuhn. "Wann kommt denn der angekündigte Imbiss? Mer bruggde net mer lang waade on stonge vör Konopkes Wöeschkesbuud. Rubbeldiekatz hadde die fönzich Lütt ehr Currry woosch. "Die ist einmalig!" sait dä Bäreleier. Also, et Owendäte in oser Maritim-hotel wor jewss bäeter.

In de näxde twee Dag: Pergamon-Museum möt de Antike, en Jeschichtstond em hist. Museum on et Libeskindsche jüdische Museum möt de 49 Stellen möt Felsebiere dropp. Symbolisch och dat jroote Steelenfeld en de Nöh vam Brandenburger Tor, wo de Lütt drenn ongerjenge wenn se rennjenge. Enne Clou wor dä Besöck en de Berliner Unterwelt, wo mer os de Rohrpost verklickere deng. Hoch öwer Berlin, em Restaurang vam Fersehtorel: Berlin bei Nacht.

Am letzde Dag et Rejierungveedel. Vör de Entree Bundeskanzlerin-Amt wooede mer all jefilzt. Sicherheit! Noch kin Metzke dorwde mör erren. Dann stonge mer vör die Lüpertzsche Philosopin in en bettsche laater vör Angela! Die deng jraad de afjanische Karsay verabschiede. Dat heel die Kanzelerin äwer net av, os fröndlich tutewinke. Dat wor jett, so männich Krewelsch Häzke för Anjie schlug höjer.
Am letzde Dag hatt os dä Kreweldsche FDP- MdB Otto Fricke enjelaade, de Bundesdag te besichtige on vör enne Vertell.. Enne
fröndliche Häerr verklärde os de Sitzordnung. Nau weet ech wat enne Hinterbänkler es. On dä anjekündigde Vertell? Doför hatt Fricke selws kin Tied. Mar os Tied en Berlin wor nau öm.

Dä ICE führ op de Sekond af, mar als ob dä Lockführer et jeahnd, datt se all jäer noch jett em schöne Berlin jebleewe wöre, hä leet sech möt de Fahrt op Kreweld aan Tied. 90 Minüdde lang.

Noch en Wooerd för os Bäerleier, dä Sascha Wendling on sin nette Frau. So präzies orjanisiert han ech noch kinn Reis erläwd. Do wor net een Höerke en de Zupp te fenge. Et stemmde alles. Aanjefange van dat persönliche Betthupferl, dat Jruppenbild em Kanzerleramt bes et Jepäck, wat op de Minütt parat wor.

Köeb uut Oeding